Buhay at Pag-asa

Ni Ben Garcia

'Papa' ko may-kasamang 'Manay' ko po!

(Ipadala ang kuwento ng inyong buhay, P0 Box 1301 Safat 13014 Kuwait o mag-email sa radio_bengarcia@yahoo.com kung gusto nyong mailimbag ang inyong kuwento kasama ng inyong larawan ipadala ang 2X2 photo, o anumang klarong kopya ng inyong larawan. Ito pa ay optional. Para sa komento bumisita sa aking blog site: www.buhayatpagasa.blogspot.com)

(Pagpapatuloy sa padalang kuwento ni Mars, kung gusto niyong balikan ang unang bahagi, ibrowse po ninyo ang aking blogsite, ang address ay makikita sa itaas)


Dear Kuya Ben,

(Matapos ang isang nabigong relasyon...)Dumating sa buhay ko sa Choy, gwapo, matangkad at mabait dahilan upang mahalin ko cya ng lubusan. Marami ang tutol sa aming relasyon lalo na ang mga matalik kong kaibigan. Umibig ako sa kanya Kuya Ben, ubod sidhing pag ibig dahilan upang maging bulag ako sa anumang naririnig tungkol sa kanya. Marami ang nagsasabing maling lalaki ang aking minahal. Sayang daw ako dahil maganda at may talino pero maling lalaki ang minahal ko. Lahat sa akin ay tama Kuya Ben, ako ang nagmamahal di sila, iyan ang aking katwiran. Ilang beses kong tinanong si Choy kung totoo ang balitang may anak cya sa 2 babae, pero pilit nyang itinanggi. Kaya naniwala ako. March 2005 ng may nangyari sa amin, ilang beses at di kailan man inisip na magbunga ito, April nakaramadm ako ng hilo at laging napapagod. Pero binaliwala ko iyon, masaya ang aming relasyon kuya hanggang isang araw, ay ina-sign ako sa ticket booth ng cinema, di ako makapaniwala sa aking nakita Kuya Ben, si Choy may kasama di babae kundi isang bading.
Gulat siya ng makita ako Kuya Ben kita sa kanyang mukha ang takot at pangamba. Lumapit ang kaibigan ko at sinabing di ako bulag para di maniwala sa lahat ng mga sinasabi nila. Umiyak na lang ako at naghalf day sa work ng araw na iyon. Sa bahay ibinuhos ko ang lahat ng aking galit at sama ng loob. Kinabukasan pumasok ako at nagkita kami sa trabaho. Gusto nyang magpaliwanag pero diko pinakinggan. Sunod ng sunod sa akin at pilit akong gustong kausapin. Tumalikod siya kuya at umalis. Alam kong totoo ang lahat ng sanasabi noon ng tao sa kanya, pero dahil mahal ko siya at diko naman nakikita, hinayaan ko ang lahat. Nagdecide akong tumigil sa trabaho at umuwi ako sa amin. Di alam ni Choy ang tunnay kong kalagayan, limang buwan na ang pinagbubuntis ko ng malaman ng Nanay ang lahat. Tinanggap ng pamilya ko ang nangyari kuya pero sinabi
nilang dapat malaman ni Choy ang lahat. Tinawang ko ang kaibigan ko sa dati kong trabaho at naitanong ko kung naroron pa rin si Choy, sinabi nilang oo, pero may-bago na itong GF. Nasaktan ako ng husto sa narinig ko. Nagtanong naman ang kaibigan ko kung anot-bigla akong napatawag, namiss-ko raw ban ng sobra si Choy. Sinabi ko sa kanya ang totoo. Matapos ko siyang kausapin, sinugod siya ng kaibigan ko at pinagmumura kasama ng bago niyang GF. Sinabi ng kaibigan ko ang totoo, buntis ako at kailangan panagutan ang kanyang ginawa. Nabigla rin si Choy sa kanyang narinig mula sa kaibigan ko, di raw niya alam.
Tumawag agad siya sa akin at nagpaliwanag, doon siya nangakong pupuntahan ako at pananagutan ang bata. Pero malapit na akong manganak wala pa ring Choy na dumarating Kuya Ben hanggang sa iluwal ko ang bata, wala pa rin. Nang malaman nyang nanganak na ako, tumawag uli sa akin at nangako na namang muli na pupuntahan ako at bibigyan ako ng aking mga pangangailangan para sa bata. Pero ganoon pa rin walang sumipot na Choy.
February 2006, 2 buwan na ang anak ko ng magdecide akong mag-abroad. March 3, araw bago ako mag-flight papuntang Kuwait, bigla syang sumulpot at nakikiusap na hwag na lang daw akong umalis, nagpaliwang din siya kung bakit di siya nakarating noon. Tinanggap siya ng pamilya ko, walang galit ang pamilya ko na ipinakita sa kanya, sa kabila ng hindi niya pagsipot ng mga panahon na lagi siyang nangangako sa akin. Doon niya rin inamin sa akin na mayroon na nga siyang 2 anak na babae. Tinanong ko kung bakit di nya inamin ang totoo noon sa akin. Takot daw siyang mawala ako sa kanya ng tuluyan, pero tingnan mo naman, Kuya Ben, nagawa nyang makipagrelasyon noong wala ako. Umalis ako kuya at nandito ako ngayon sa Kuwait. Masakit man, pero heto, disgrasyada na akong matatawag dahil sa lintek na pagmamahal na pagmamahal. Bago ako umalis nangako siyang pupuntahan lagi ang anak namin at maghihintay daw siya sa akin. Gulong gulo ang isip ko Kuya Ben, okay ang dalawang buwan na nandito ako dahil lagi nya akong tini-text, tinatawagan, pero unti-unting naglaho ang aming kumunikasyon. Nabalitaan ko rin na di rin siya nagpunta sa amin noong binyag ng aming anak. Kuya mahal na mahal ko pa rin si Choy, umaasa akong pag uwi ko, naroroon pa rin siya sa akin.
Gusto kong humingi ng iyong payo, gusto kong ituloy ang aking buhay kasama siya at ng anak namin, mahal na mahal ko pa rin siya, hanggang ngayon. Marami akong bagong manliligaw, pero di ko sila pinapansin. Mayroon nga raw tumawag doon sa amin sa Pinas, kasama ko sa trabaho, tanggap daw ang kalagayan ko, at handa raw akong pakasalan, pero ayaw ko, nararamdaman kong mahal ko pa rin ang lalaking ama ng aking anak.
Ano ba ang aking gagawin, mag-iisang taon na ako sa Kuwait. Dapat pa ba akong umasa kay Choy?

Gumagalang at Nagpapasalamat,
Mars

Hi Mars. Salamat sayong liham at tiwala sa aking column. Alam ko ang tunay mong nararamdaman ngayon. Masakit ano, pero, iyan ay dahil sa tunay kang nagmamahal. Ganyan po talaga, at napaka-swerte ng lalaki sayo, lalo na ang Choy na iyan! Tapat at totoo kang magmahal, mababait din ang iyong pamilya, dahil wala ring narinig na masamang salita ang Choy sa kanila at maging laban sayo. Masuwerte ka Mars, sa kabila ng kabiguan mo sa lalaki, mayroon kang pamilyang handa kang tanggapin, ano man ang kalagayan mo. Totoo, dapat ganyan, pero, in your part, aral iyan sayo. Dahan-dahan ka sayong disisyon, kung ako ang kapatid mo o Tatay mo, ayaw ko na ring maranasan mo ulit ang naranasan mo noon. Tama na iyon! Kase masakit ang matisod muli isa pa hindi ako naniniwalang dapat danasin mo ang ganyan. Mabait kang bata.
Mars, di mo gaanong niliwanag ng tungkol kay Choy. Sa pag-amin niya mayroon siyang dalawang anak na babae, kasal ba siya sa Nanay ng dalawang anak niyang iyon? O tulad din ng nangyari sayo, na matapos kang buntisin ay pinabayaan na rin at pinangakuan na lang ng salita. Kung kasal siya sa una, mahirap nang mag-habol o umasa pa, oo, para sa bata, mayroon dapat sustento para sa kanya, karapatan iyon ng anak mo. Pero, yung aasa ka sa kanya, lalot kasal siya sa iba, mahirap iyan, hindi iyan ganyan kadali.
Napatunayan mo na ng ilang beses na hindi siya lalaking kausap, wala siyang isang salita, sinungaling at makapal ang mukha. (Sorry po) pero iyan ang angkop na salita para sa kanya. Nakikita kong ikaw na lang ang laging umaasa, ikaw na lang ang laging nag-hihintay sa kanya, ang nagbibigay ng panahon sa kanya. Papaano ikaw? Papaano ang iyong sariling kaligayahan, nasisiyahan ka ba sa paghihintay at pag-asang magiging kayo balang araw? Hindi naman maliwanag kung tunay ba ang nararamdaman niyang pag-ibig sayo, o dahil sa tawag lang ng laman, dahil maganda ka? Yung wala kayong communication, patunay, iyan na hindi ka niya naaalala, baka nasa-iba siyang kandungan. Hindi niya pinahahalagahan ang nararamdaman mo, bakit ka pa aasa at ipagpapatuloy ang pagmamahal sa kanya.
Oo, tatay siya ng anak mo, pero, nasaan siya noong naghihirap ka, noong manganak ka, noong kailangan mo siya. Wala! Gusto ko lang sabihin sayo, na tapusin mo na ang mga sandaling umaasa at naghihintay ka sa lalaking hindi naman bagay sa kanya ang pagmamahal na ini-aalay mo. Wala kayong maliwanag na kasunduan noong umalis ka, wala kayong matibay na kasulatan na puede mong panghawakan upang patuloy kang umasa. Wala na siya at ituring mo siyang isang karanasan ng kahapon. Harapin mo ang ngayon, papaano ka? Saan patungo ang iyong bukas at kinabukasan ng iyong anak? Iyan ang liwanagin mo ngayon, sapagkat, ang magiging disisyon mo sa ngayon ay mag-rereflect sayong magiging buhay bukas. Ituwid mo ang magiging disisyon mo ngayon, sa akin lang, ayaw ko nang makitang nagkamali ka muli, tama na ang isang beses magoyo o maloko ng lalaki. Iyang nangyari sayo ngayon, dalhin mo iyan bilang aral sayong buhay, iyan ang dahilan kung bakit ko sinabi sa unang bahagi pa lang na maghinay-hinay sa susunod na disisyon. Maraming lalaki ang mangangakong muli, siguraduhin mo nang totoo ang sinasabi nila. Siguraduhin mo nang hindi lang ikaw ang mag-mamahal kundi pareho niyong nararamdaman ang tinatawag na pag-ibig. Buksan mo ang iyong puso sa iba, pero... be very careful!

Buhay at Pag-asa

Ni Ben Garcia

'Papa' ko may-kasamang 'Manay' ko po!

(Ipadala ang kuwento ng inyong buhay, P0 Box 1301 Safat 13014 Kuwait o mag-email sa radio_bengarcia@yahoo.com kung gusto nyong mailimbag ang inyong kuwento kasama ng inyong larawan ipadala ang 2X2 photo, o anumang klarong kopya ng inyong larawan. Ito pa ay optional. Para sa komento bumisita sa aking blog site: www.buhayatpagasa.blogspot.com)


Dear Kuya Ben,

Magandang araw sa iyo at sa lahat ng mga Pilipinong sumusubaybay sa Buhay at Pag asa. Tawagin nyo ako sa pangalang Mars, 24 yrs old at bunso sa tatlong magkakapatid, puro kami babae. Nais kong ibahagi ang kwento ng aking buhay sa ating mga kababayan at upang humingi ng iyong payo. Sisimulan ko ang aking kwento ng akoy nasa ikalawang taon ng aking kurso na Bachelor of Arts. Half scholar at same time working student ako Kuye Ben sa dahil di kayang tustusan ng aking mga magulang ang aking pag aaral. 2001 doon ko nakilala si Jay ang lalaking unang minahal at inalayan ko ng aking sarili, masaya ang aming relasyon kuya dahil kapwa tanggap ng aming pamilya ang aming ralasyon. March 2003 graduation ng boyfriend ko at syempre lahat ay nandoon upang magcelebrate. Masaya ang lahat lalo na kaming dalawa. Marami kaming plano kuya ben , doon ang mga pangakong kami habang buhay, pero gaya nga ng kasabihan na ang pangkoy madaling mapako. Umalis siya at lumuwas ng Maynila. okey pa sana kasi kahit papaano ay may komunikasyon kaming dalawa, pero unti unting lumabo ang aming relasyon, minsan lang ang tawagan at hangang tuluyan na nga itong naputol. Nabalitaan ko rin na may bago cyang kasintahan. Nasaktan ako kuya dahil mahal mahal ko cya. Pero ano pa nga ba ang magagawa ko kundi ang tanggapin ang lahat at ipagpatuloy ang buhay. Makalipas ang isang taon at tuluyan ko na ring nakalimutan si Jay. Napahinto ako sa pag aaral Kuya Ben at naghanap ng trabho, natanaggap ako sa isang mall bilang checker, okey ang trabaho , walang problema. Marami akong naging kaibigan at syempre manliligaw, pero di ko pinapansin. Gaya ng sabi ng iba pagnakita mo na ang taong muling magpapatibok ng iyong puso lahat
gagawin mo at walang makahahadlang dito. Dumating sa buhay ko sa Choy, gwapo, matangkad at mabait dahilan upang mahalin ko cya ng lubusan. Marami ang tutol sa aming relasyon lalo na ang mga matalik kong kaibiagn. Umibig ako sa kanya Kuya Ben, ubod sidhing pag ibig dahilan upang maging bulag ako sa anumang naririnig tungkol sa kanya. Marami ang nagsasabing maling lalaki ang aking minahal. Sayang daw ako dahil maganda at may talino pero maling lalaki ang minahal ko. Lahat sa akin ay tama Kuya Ben, ako ang nagmamahal di sila, iyan ang aking katwiran. Ilang beses kong tinanong si Choy kung totoo ang balitang may anak cya sa 2 babae, pero pilit nyang itinanggi. Kaya naniwala ako. March 2005 ng may nangyari sa amin, ilang beses di at di kailan man inisip na magbunga ito, April nkaramadm ako ng hilo at laging napapagod. Pero binaliwala ko iyon, ,masaya ang aming relasyon kuya hanggang isang araw, ay inassign ako sa ticket booth ng cinema, di ako makapaniwala sa aking nakita Kuya Ben, si Choy may kasama di babae kundi isang bading. -Itutuloy

****

(Bago ko ituloy... para may-suspense, dako muna tayo sa padalang liham ni Gloria M last week, titled 'Kaibigan ni Gloria, kahati sa pag-ibig ng asawa')

Dear Gloria M.
Gloria M. Gloria Macapagal? Gloria Macapino, Macapuno, Maluhualhati? Kahit ano pa man ikaw ay matatawag kong matapang. Buo ang loob at mayroong paninindigan. Tama ang ginawa mong ipaubaya na lang ang asawa mo sa dati mong kaibigan. Siya naman itong walang paninindigan at nagpadala sa kahinaan ng tawag ng laman. Nang-yayari ang ganyan Gloria M, mahirap isipin, pero ganyan ang buhay. Ang mabuti sayo, marunong kang mag-handle ng ganyang sitwasyon. Simpleng totoo. Bata ka pa, puede ka pang makakita ng taong magiging kasama mo habambuhay, sa tingin ko, kung magpapa-annul kayo ng kasal, magiging mabilis iyan sa tulong ng abugado, pero ewan, kung interesado ka pang humanap ng kapalit niya, hindi kita dini-discourage. Mayroon kang ipinukol na isang katanungan na sa tingin ko madali lang ang kasagutan at hindi ko kailangan ang tulong mga mga experto. Yung tungkol sa tanong kung hahanapan ba ng marriage contract ang iyong anak sakalit maghanap na siya ng trabaho? Ikaw ba Ms Gloria M, hinanap sayo ang marriage contract ng iyong Nanay at Tatay noong mag-apply ka? Di ba hindi naman. Hindi naman ganoon kaimportante/kahalaga ang marriage contract ninyo para sa anak mo, mas-mahalaga po iyan sayo at sa asawa mo at syempre sa pag-asekaso ng mga kayamanang mapupunta sa anak mo. Sa tingin kong dapat mong alalahanin ay yung mga karapatan ng anak mo na dapat mapa-sa-kanya, oo, sa pag-aayos niyan, kailangan mo siyempre ang katibayan na mag-asawa nga kayo, so kung sakali man, puede kang kumuha ng kopya sa registration office sa inyong bayan, iyan ay kung ipinarehistro niyo ang inyong kasal noon. Puede kang kumuha ng certified copy sa gobyerno, dahil sa tingin ko mayroon silang file niyan.
Sa kapakanan ng mga hindi nakabasa ng kanyang liham, puede niyo pong balikan ang kanyang kuwento sa aking blog-site. Pero bibigyan ko rin kayo ng buod upang magkaroon kayo ng idea sa kuwento ni Gloria M. Nakapangasawa ng lalaking di niya gaanong mahal noong una, pero napamahal na rin siya kinalaunan, ipinagkasundo lang kase siya sa napangasawa niyang lalaki kung saan nagkaroon sila ng isang anak. Pero, sabi niya, inakit daw po ng kanyang kaibigan ang kanyang asawa at pumatol ito na siya namang ikinabuntis ng kaibigan niya. Syempre normal sa babae lalo na sa atin ang hindi pumayag sa gusto ng babae na share sila sa pagmamahal ng lalaki. Baliw na baliw daw po itong kaibigan niya sa asawa niya, kaya nagbanta na magpapakamaty kung sakalit iwanan ito. Take note, yung babae, mayroong tatlong anak at ninang pa raw sa anak ni Gloria M. Di nakatiis si Gloria, at minabuti pa nitong lumayo na lamang, sinunog niya ang marriage contract nilang mag-asawa. Nagpunta siya ng Saudi Arabia at isang taon lang daw ang lumipas, nagsama ang asawa niya at ang babaeng kaibigan niya. So lumalabas ngayon na nawalan ng asawa si Gloria, wala nang balak pang balikan ni Gloria ang kanyang asawa. Yan po ang buod ng kuwento ni Gloria M. Noong nakaraang labas kasamang nailathala ang larawan ni Gloria M.

(Abangan po ninyo ang pagpapatuloy ng kuwento this time ni Mars).

BUHAY AT PAG-ASA

Kaibigan ni Gloria, kahati sa pag-ibig ng asawa
Ni Ben Garcia

(Ipadala ang kuwento ng inyong buhay, P0 Box 1301 Safat 13014 Kuwait o mag-email sa radio_bengarcia@yahoo.com kung gusto nyong mailimbag ang inyong kuwento kasama ng inyong larawan ipadala ang 2X2 photo, o anumang klarong kopya ng inyong larawan. Ito pa ay optional. Para sa komento bumisita sa aking blog site: www.buhayatpagasa.blogspot.com)

Dear Kuya Ben,
Una sa lahat binabati kita ng isang magandang araw sampo ng iyong daang libong . taga-subaybay kabilang na ang iyong mga kasamahan sa programang Buhay at Pag- asa. Kuya Ben, nagging inspirasyon ko na po ang paghabasa ng iyong column tuwing Linggo. Buti na lang at mayroong ganyan d2. Ako po si Gloria M. tubong Mindanao, single parent sa nag-iisa kong anak, 14 years na po kaming hiwalay ng aking asawa. 15 years old na rin po ang aking anak ngayon. Ipinagkasundo ako ng aking magulang sa lalaking kababata ko rin sa aming lugar. Kaklase ko po siya mula elementarya hanggang H-School. Nanligaw siya sa akin, puppy lover lang kami kung baga, pero nakarating sa magulang ko, kaya, nagustuhan nila. Isa akong scholar sa aming paaralan, matalinong matatawag kaya maraming nagkakagusto sa akin. Umiwas ako dahil bata pa ako noon, kaya sumama ako sa aking pinsan sa Maynila. Napunta kami sa Antipolo. Nagustuhan ako ng isang madre sa Antipolo nang minsang umattend kami ng fiesta, kinuha niya ako at ginawang kasa-kasama sa kombento, 'Carmelites Sisters Convent' daw po iyon at sila na rin ang nagpaaral sa akin.

Ang buong akala ko, nakaligtas na ako sa lahat ng mga taong gustong mapasakamay ako. Pero isang araw tinawag ako ng mother superior ko at dumating daw ang isang sulat mula sa tatay ko, agaw buhay daw po ang nanay ko kaya kailangan akong umuwi sa amin. Sumunod ako sa payo ng mother superior na kailangan balikan ko ang aking mga magulang. Nung makarating ako sa amin, doon ko nalaman na kasinungalingan pala ang laman ng liham walang karamdaman ang aking inay, ginawa lang daw nila iyon, para ma-obliga akong umuwi at para maituloy ang kasal na una nang ipinagkasundo ng mga magulang ko sa lalaking kababata ko.

Half Christian at Half-Muslim akong matatawag, Kristyano kase ang aking ina at ang ama ko naman ay Muslim. 15 taon pa lang po ako noon at hindi pa puedeng ikasal sa simbahan kaya ikinasal kami sa aming tribu at ang kasunduan, pakakasal ako sa lalaki kapagumabot na alto sa gulang na 18. Pinagkasunduan din nila na kailangan akong makatapos ng pag-aaral kahit na kasal na ako sa lalaki. Palibhasa bata pa ako noon, ang akala ko, lahat ng bagay kailangan sundin ang payo ng magulang.
Sumama na ako sa aking asawa matapos ang kasal, sa Marikina kami tumira sa tiyuhin niya, isang abogado. Driver siya ng tiyuhin niya at tinupad naman ng asawa ko ang pangakong papayagan niya akong makapag-aral. Midwifery po ang kinuha kong kurso, dahil gusto ko mabilis at ng makapagtrabaho agad. Pero nabuntis ako sa kalagitnaan ng aking pag-aaral. Nang makita ng asawa ko na nahihirapan na ako, naki-usap siyang sa Mindanao ko na lang isilang ang sanggol. Masaya din ang pakikisama ko sa kanya, dahil tinupad niya ang lahat ng pangako sa kasal. Hindi ko pinagsisisihan ang maging asawa ko siya.
Mg buong akala ko wala na iyong katapusan, pero taong 1993, nahulog sa patibong ang asawa ko. Inakit siya ng kaibigan ko (pa naman) at ninang ng anak ko, papayag daw siyang maging kabit o katulong sa bahay namin basta mag-hati daw kami sa asawa ko. Lagi niyang inaakit ang asawa ko at sinasabihan niya itong bakla. Ang akala ko biruan lang iyon ng dalawa. Maaaring nainsulto siguro ang asawa ko at pinatulan ang kaibigan ko. Ilang buwan ang lumipas, nag-punta ito ng baranggay, buntis daw siya siya at ang asawa ko ang tatay ng anak niya. Pero kuya Ben may-asawa at mayroong tatlong anak ang babaeng ito. Kinausap ng masinsinan ng tatay ng asawa ko ang babae, papayag daw siyang bayaran na lamang ang babae, basta layuan niya asawa ko. Pero hindi ito pumayag, mas-mabuti pa raw ang mamatay siya kesa tanggapin ang alok nila.
Nung kausapin ko siya tungkol sa kalagayan niya, ayaw nitong paawat sa kagustuhan sa asawa ko, para siyang baliw na gustong mapa-sa-kanya ang asawa ko. Sa iniss ko mag-asawang sampal ang ibinigay ko. Ang akala ko magagalit sa akin, pero nanikluhod pa ito at humihingi ng tawad sa ginawa niyang pang-aakit sa asawa ko. Habang tumatagal, naiinis na ako sa asawa ko, nararamdaman ko kaseng parang mayroon na itong pag-tingin sa babaing minsan ay kaibigan ko. Nang hindi ko na makayanan, nagdisisyon akong makipaghiwalay sa kanya. Ayaw ko kaseng mayroon akong kahati sa pag-ibig sa asawa ko.
Pero kahit ano raw mangyari di papayag ang asawa ko na bigyan ako ng legal separation. 1998 naisipan kong mangibang bansa, sa Saudi Arabia ang bansang unang narating ko. Masakit man, pero iyon na rin siguro ang magpapagaan ng kalooban ko. Wala pa akong isang taon sa Saudi nabalitaan kong nagsama na raw ng tuluyan ang asawa ko at ang kabit niya. Masakit tanggapin dahil minahal ko na rin ang asawa ko. Pero noong umuwi ako ng Pilipinas, di na ako nagpakita kahit wala kaming legal separation. Gusto pa rin akong pakisamahan ng asawa ko kahit mayroon na siyang anak sa babaing kabit niya, pero ayaw ko nga ng ganoon kaya hindi niya ako masisisi.
Ito po ang tanong ko, kung makatapos ba ng pag-aaral ang anak ko at mag-apply ng trabaho, hahanapin ba ang marriage contract namin, kase sa inis ko, sinunog ko na po ang marriage contract namin. Hindi kaya mahirapan ang anak ko?

Gumagalang at Nagpapasalamat,
Gloria M.

(Abangan ang sagot ni Ben Garcia sa susunod na Linggo)